පරෝටා හෙවත් පරාටා. හරිම ලේසියි හදන්න.හදමුද මේ සති අන්තයේ..

මතකද අපි අල පරාටා හැදුවා.අද අපි හදමු කේරළ පාරාටා.

අවශ්‍ය දෑ

• බටර් හෝ මාගරින් මේස හැදි 2
• බිත්තර 2 -(වෙජිටේරියන් නම් බිත්තර වෙනුවට කිරි දාන්න )
• පාන්පිටි 500g
• සීනි මේස හැදි 1
• ලුණු කුඩු (රස අනුව අවශ්‍ය පමන)
• වතුර
• පොල්තෙල් හෝ එළවඵ තෙල්

සාදන ආකාරය

• පාන් පිටි වලට ලුණු සීනි මාගරින් බිත්තර පිළිවෙලින් එකිනෙක දමා හොදින් අනාගන්න අතින්. අපි මේ dough එක හදාගන්නයි යන්නේ.ඉන්පසු ඒ අනාගන හදාගත් dough එකට උඩින් පොල්තෙල් හෝ එළවඵ තෙල් වත් කරන්න හැන්දකින්.දැන්  lunch sheet එකකින් වහලා විනාඩි 40 ක් තියන්න.1 රූපය

• විනාඩි 40න් පස්සේ dough එකෙන් බෝල 4ක් පමණ හදාගන්න.බෝල උඩට පොල්තෙල් හෝ එළවඵ තෙල් හැන්දකින් වත් කරන්න නැවතත් .දැන් ආයෙත් lunch sheet එකෙන් වහලා විනාඩි 40ක් තියන්න.2 හා 3 රූප ඉහත.
• විනාඩි 40න් පස්සේ board එකක් අරන් තෙල් දාලා පරාටා හොදින් තුනී කරගන්න.

• දැන් හොදින් අවබෝධ කරගන්න.ඔබ සිහියට නගා ගන්න කඩයක මේ විදියට හදාගත් රොටියක් ලේන්සුවක් ආකාරය වන තුරු අත් දෙකෙන් උස්සා තැටිය මත දිග ඇර නැවත නැවත ගැසීමෙන් ඉතා තුනී ලේන්සු වගේ රොටී හැදෙනවා නේද?මේ බලන්න.

• අපිට මේ වගේ ලොකු board එකක් නොතියෙන්න පුඵවන්. ඒත් උත්සහා කරන්න.පරාටා වල ඉතා soft ගතියක් එන්නේ මේ ආකාරයට තුනී කරගත්තම.ඔබට මේ විදිය අපහසු නම් රෝලින් පින් එකකින් තුනී කරගන්න.හොදින් තුනී කරගන්න පහත ආකාරය වන තුරු.

• දැන් හොදින් තුනී කරගත් රොටියේ දෙපැත්තෙන් අල්ලා අපි මේ විදියට හදාගන්නවා.මේ බලන්න.

• දැන් එහෙම හදාගත්ත රොටිය අපි කොනක ඉදන් මේ විදියට රෝල් කරගෙන රවුමක් ආකාරයට හදාගමු.

• දැන් නැවතත් ඒ රෝල් කරගත් රොටිය රෝලින් පින් එකකින් තුනී කරගන්න.

• දැන් පුඵවන් නම් තුනී කරගත් රොටී fridge එකේ මද වේලාවක් තියන්න.
• නැතිනම් තැටියකට තෙල් දමා පරාටා පුඵස්සා ගන්න. දෙපැත්ත දමමින් හොදින් පුඵස්සා ගන්න.

• නියම පරාටා වල ස්වභාවය ගැනීමට නම් පුඵස්සා ගත් පරාටා එක උඩ එක තබා අත්පුඩි ගසන්නා සේ පරාටා සියල්ලට එකවැර දෙපැත්තෙන් ගසන්න.එවිට පරාටා layers වලට කැඩී නියම කේරළ පරාටා ස්වභාවයක් ගන්නවා.

• රස බලන්න.comment එකකුත් දාන්න.