අද අපි අල පරාටා හදන විධිය ඉගෙන ගනිමු.

අවශය දෑ

ආටා පිටි කෝප්ප 1

ලුණු

තෙල් ස්වල්පයක්

අර්තාපල් ගෙඩි 2-3

අමුමිරිස් කරල් 2

සුදුරැ ඇට කිහිපයක්

කොත්තමල්ලි කොළ

බි ලුණු

ගරම් මසාලා තේ හැදි 1/4

පිරවුම සාදන ආකාරය

• අල හොදින් පොඩිවන ගානට තම්බා ගන්න.පොතු හැර හොදින් පොඩි කරගන්න.
• එයට අමුමිරිස් සුදුරැ ගරමි මසාලා ලුනු බි ලුණු හා කොත්තමල්ලි කොළ දමා හොදින් අනා ගන්න.රැප සටහන් 1 හා 2
• දැන් පිරවුම ලැස්තියි.
• පිරවුම කොටස් වලට වෙන් කර බෝල 5 හෝ 6 පමණ හදාගන්න.

පරාතා සාදා ගන්න විධිය  බලමු.

• ආටා පිටි කොප්පයතට ලුනු තෙල් හැදි 1-1/2 දමා හොදින් මොලොක් වන තුරැ අනාගන්න.
• ඉන්පසු එයින් පිටි බෝල කිහිපයක් හදා ගන්න. 5 හෝ 6 පමණ
• සාදාගත් පිටි බෝල රෝලර් පින් එකකින් හොදින් රොටියක් ආකාරයට තුනී කර ගන්න.
• රොටියක් ආකාරයට සැදු පරාතා එක මත අල බෝලයක් තබා එය  වසා ගන්න.රැප සටහන් 3හා 4
• දැන් එය නැවතත් රෝලර් පින් එකක් ආධාරයෙන් රොටියක් සේ තුනි කර ගන්න. රැප සටහන්5
• රොටි තැටිය රත් කර එයට තෙල් බින්දු කිහිපයක් දමා සාදාගත් පරාටා එක දමන්න.පරතා එක මත බුබුලු ආකාරයට එන විට තෙල් බින්දු කිහිපයක් පරාතා එක මතට දමා අනෙක් පස හරවා පිසගන්න.රැප සටහන් 6 හා 7
• දැන් චිකන් කරියක් හෝ පරිප්පු හෝ සාම්බාරැ හෝ මුදවපු කිරි සමග කෑමට ගත හැකියි.
• ඔයාලත් රස බලලා comment එකක් දාන්න.

ළගදීම OVEN එකක් ඇති හෝ නැති අයට ගෙදරදීම රසම රස PIZZA හදාගන්න විධියත්  කියලා දෙන්නම්කෝ...